Эрдмийн далай 1
Эрхлэн гаргасан: Болор судар хэвлэлийн газар
- ISBN: 978-9962-1-966-5
- Хавтас: Зөөлөн
- Хэвлэгдсэн он: 2013
- Хуудас: 106
- Хэмжээ: 176*250мм
- Жин: 269
- Үлдэгдэл: Үлдэгдэлтэй байна
Оньсого гэгч юуны өмнө ардын аман яруу найргийн товч хураангуй бүтээлийн төрөл зүйлийн нэг болоод бүхэлдээ хүний ухаан билгийг шалгаж, бодох сэтгэх чадлыг нь хөгжүүлэхэд чиглэгдсэн, тухайн үндэстэн ард түмний танин мэдэх сэтгэлгээний түүхт хөгжлийн үр дүнг тусгасан гүн, дэлгэр агуулгатай, гайхам уран яруу ёгт хэлбэртэй асуудал асуулт гэж болно.
Оньсого тус бүр ардын яруу найргийн авсаархан бүтээлийн хувьд хүний оюун ухааны зүйрлэх жиших, анализ сентиз, дүрслэн бодох, хийсвэрлэх сэтгэх зэрэг сэтгэх үйл ажиллагааны зэгсэн дээгүүр хөгжлийн үр дүн болж гарсан тул аман зохиолын хөгжлийн нэлээд хожим үед хүчин бүрдлийг олж дэлгэрсэн аман зохиолын доторх гүн ухааны шинж чанартай төрөл зүйлийн нэг билээ.
Оньсого нэг бүр агуулгын хувьд байгаль, нийгэм сэтгэхүйн үй түмэн юм үзэгдлийн аль нэгийг нь буюу эсвэл зарим хэдийг нь тусгаж, түүнийг хүн ард шинэ талаас нь танин мэдэж, өөрөөр дахин нээж олсны гэрч байдаг. Энэ "нээлт" нь ч хүний танин мэдэхийн гайхамшгийг хүмүүст мэдрүүлж оюун сэтгэлийн баяр цэнгийг эдлүүлэн, тэдний дур сонирхлыг татна.
Монгол оньсого ойролцоогоор хагас түм гаруй байгаа бөгөөд түүнд байгаль нийгэм, сэтгэхүйн бараг бүх юм үзэгдэл хамрагдсан байдаг. Үүнээс монгол оньсогын агуулга, хэчнээн өргөн дэлгэр болох нь аяндаа илэрхий байна.
Монгол оньсого бүхэлдээ орчлон ертөнцийн од гаригаас аваад ургамал амьтан, хүн, түүний үйл ажиллагаа хүртэл үнэн байдлын тал бүрийг үгүй дутуугүй тусгасан бяцхан толийн зүймэл бөмбөрцөг мэт билээ.
Оньсогийг жинхэнэ малчин ардууд өөрсдийн аж төрлөө бодон гаргасан нь илэрхий.
Монгол ардын аман зохиолын дотроос оньсого монгол хэл бүрэлдэн тогтсон тэр эртний цагаас үүсэл гаралтай гэж тоймлон хэлж болно.
