Хүүхдийн буруу юу?
Эрхлэн гаргасан: Эмпати төв
- ISBN: 978-99962-1-422-6
- Хавтас: Зөөлөн
- Хэвлэгдсэн он: 2010
- Хуудас: 168
- Хэмжээ: 205*145мм
- Жин: 230
- Үлдэгдэл: Дууссан
Итгэлийн гэрлээ бариад замд гарлаа....
Зөв замд хөтлөх бяцхан гэрлийг айл гэр болгоны хойморт хүргэж хүн болгонтой хуваалцах нь миний чин зорилго. Учир нь мэдлэг, туршлагыг хуваалцах тусам баяжиж, өв тэгш нийгэм бүрдэнэ.
Миний түгээх гэж буй боловсрол, сэтгэл зүйн энэхүү гэрлээсхүн бүр нэгээхэн хэсгийг авч эргэн тойрныхоо хүмүүстэй, тэр тусмаа гэр бүлийнхэнтэйгээ хуваалцана гэдэгт би итгэж байсан. Үнэндээ ч миний итгэж байснаар болсон. Би өв тэгш, бие биенээ сайн ойлгодог нийгмийг бүрдүүлэхэд өөрийн хувь нэмрийг оруулах үүднээс өнөөдрийг хүртэл "ЗАМАН" сонины гэр бүлийн буланд нийтлэл бичиж үүгээрээ дамжуулан зорилгоо биелүүлэхийг хичээж байв. Үүнээс гадна олон нийтлэл хэвлүүлж, телевиз радиогийн хөтөлбөрүүд бэлтгэн, гадаад дотоодод сургалт семинар зохион байгуулах зэргээр өөрийн зорилгодоо алхам алхмаар хүрсэн. Миний ээлжит семинаруудын нэг дээр ирсэн нэгэн эрхэм надад "Танд их баярлалаа, зургаан жил миний эхнэртээ ойлгуулах гээд чадаагүй юмыг та ганцхан цагийн дотор ойлгуулж өглөө." гэж билээ. Эзэгтэйн олж авсан мэдлэг түүний гэр бүлд ач тусаа өгсөн нь мэдрэгдэж байлаа. Ингээд миний ээлжит зорилго таны гарт байгаа энэхүү ном боллоо. Миний анхны ном. Номоо бичих явцад надад олон онцгой мэдрэмж төрж ихэд догдолж байсныг нуух юун. Анхны юм бүхэн онцгой байдаг Үүнийг хуваалцаж байгаа эрхэм уншигч та ч гэсэн онцгой.
Онцгой бүтээлийг минь хуваалцаж буй онцгой уншигч танаа. Номын минь эрхэм зорилго эцэг эхчүүдэд тулгардаг асуудлуудад гарын авлага болоход оршино. Хүн нэвтэрхий толь эргүүлж сонирхсон бүхий л сэдвээ олж мэддэг шиг хүүхдийн ааш авиртай холбоотой ямар ч асуудалтай тулгарсан түүний гарцыг энэхүү бүтээлээс олж уншаасай гэж би хүснэм. Та номоо эхнээс нь дуустал нь дарааллаар дагуу унших шаардлагагүй ээ. Гэхдээ энэ ном, танд болон таны дотны хүмүүст тупгарсан бэрхшээлийг шийдэж чадах гарц, арга замыг агуулсан гэж итгэж байна. Эцэст нь хэлэхэд "Биднийг асуудлаас илүүтэйгээр түүнийг шийдэх гарцгүй байх нь зовоодог." За ингээд хамтдаа асуудлаа шийдэцгээе.
Ясэмин Ялчин Актосу
