Цаг хугацаа мөнхийн анд минь
- ISBN: 978-99962-4-205-2
- Хавтас: Зөөлөн
- Хэвлэгдсэн он: 2013
- Хуудас: 162
- Хэмжээ:
- Үлдэгдэл: Дууссан
Номонд минь "...амьдрал гэгч энэ өргөн мөрний хөвөөнд зогсож, амьсгал авах.." нэгэн үнэт агшин,"... Бүсгүй хүн сэтгэлийн гүн нойрон дундаас сэрээд, үүрийн гэгээг хөдрөн алхах..." тийм амьд зураг,"...Орчлонгийн гүн зүүдийг томъёолон зүүрмэглэх хүлэг морины дэргэд ойр холын нүргээнт чимээг мартагнаж, ертөнцийн нэгэн чавхдсыг хөглөн сатаарах минь мөнхийн эрх чөлөө.." гэж бодох миний сэтгэлийн дотоод айзам, "...Жаалхан хүү энгэрт минь түүдгийн гэрлийг дүрслэн зурж тоглох..."-ыг мэдрэх аз жаргалын аялгуут дууллууд минь бий юмсан" хэмээн бодмоглох юутай таатай. "Номонд минь мөнх хөх тэнгэрийн хаа нэгтээгээс гарт минь бариулсан бийрийн аясаар зурагдах сэтгэлийн дотоод таталбарууд, амь амьсгал минь, нүд минь, хайр минь, хувь заяаны зөн таамаг, томъёолол минь бий юмсан" гэж бодох бүрийд яагаад ч юм үл мэдэгхэн эмзэглэл төрнөм. Тийн учир уншигчдад, хүмүүст хандан, сэтгэлийн гүнээс дахин хэдэнтээ мэхийж, бас хэдэнтээ омогшин дүрэлзэнэм бөлгөө. Гар дээр тань очих энэ номын үг, үгүүлбэр болгон миний сэтгэлийн алсаас ниссэн шувуу гэж бодоод, "ганц нартай мөнхийн орчлон"-гоор хэрэн одох тэр шувуухайг минь алган дээрээ суулгаж, аялах дууллыг нь сонсоод, аясаар нь чөлөөтэй нисгэгтүн. Зохиогч
