Паанан
Эрхлэн гаргасан: Мөнхийн Үсэг ХХК
- ISBN: 978-99973-79-92-4
- Хавтас: Зөөлөн
- Хэвлэгдсэн он: 2023
- Хуудас: 368
- Хэмжээ: 125х170 мм
- Жин: 330
- Үлдэгдэл: Үлдэгдэлтэй байна
Паанан хэмээх энэхүү зохиолд Соёо, Паанан, Миний Нарансолонго зэрэг өгүүллэгүүд нь багтсан.Түүний Соёо зохиолын хэсгээс.
Орж ирсэн хүмүүс цай уусангүй, машинаа ч унтраасангүй. Тэр нь гадаа сулбуухан сүр сүр дуугарч байв. Эх дэмий »уухандаа аргал зэрэглэн галаа асаангуут тогоогоо тавитал тэдний нэг нь: Должин гуай минь юүхэв дээ. Бид золгох гэж ирсэнгүй Таны нүүрийг харах хэцүү л байна. Гэвч яая гэх вэ, бидний ажилийм юм. Аавтай нь цуг нэг биш удаа л ингэж явсан. Түүнээ бодож байгаа нь энэ гэсээр ийм юманд хүргэчихлээ. Анхнаас нь зөв түшиж чадсангүй. Зайлуул, тэр залуу мэнд л үлдээсэй билээ. Бас уужим сэтгэл гаргаж биднийгээ уучлаарай даа. Хуулийн өмнө бид үнэндээ ялгаагүй гар мухар болчихдог юм байна шүү дээ гэж учирлахыг нь эх сонсох ч шиг, үгүй ч шиг байв. Хүү нь дув дуугүй шуухитнан хувцаслав.
Гэнэтхэн шархийсэн чимээ гарахад эх цочив. Тэдний нэг нь тогоо түлэгдэж байгааг хараад ус хийсэн санжээ. Хүү нь багадаа алив нэгэнд гомдоод, гэрийн хаяа ширтэн суудаг шигээ толгой унжуулан хөлөө жийрэглэж суув.
Эх тэгж суугааг нь харангуут ухасхийн авдраа уудлаад эцгийнх нь гутлыг гаргаж өгөв. Цоо шинэ гялалзсан хром. Эцэг нь энэ гутлыг гучин нэгэн жил өмссөн юм, Гэхдээ дандаа ч үгүй л дээ. Цол дэвших, одон авах, нийслэлд уригдах, наадамдахдаа л өмсдөг байв...
- Эцгийнх нь хийморь шингэсэн гутал юм шүү. Энүүний нь битгий хураачхаарай гэж хэлэхдээ л хэчнээн тайван, тэр бүү хэл хорсолтой дуугарч байгаагаа анзаарав. Хүү хувцаслаж гүйцээд эх уруугаа ирж духайн зогсуут:
- Ижий минь гэж хэлэв. Өөр үг хэлсэнгүй. Нулимс гялтганасан нүдийг нь хармагцаа илүү үг хэлж ч чадахгүй нь гэдгийг эх ойлголоо...
