Бурхан багшийн прокурор
Эрхлэн гаргасан: Хөх монгол принтинг
- ISBN: 978-99978-041-15-5
- Хавтас: Зөөлөн
- Хэвлэгдсэн он: 2017
- Хуудас: 319
- Хэмжээ: 205*145мм
- Жин: 415
- Үлдэгдэл: Дууссан
Үхлийн дараах амьдрал, коммунизмын сүйрэл, их гарын авлигачдын тухай үнэн бодит үйл явдлуудыг хийсвэр сэтгэлгээнд тулгуурлан бичсэн роман.
Их үд өнгөрч байлаа. Муу тэргээ асааж бензин авахаар гэрээс гарлаа. Муу ч гэж дээ. Наддаа л "Ланд" гэсэн үг. Жижигхэн, авсаархан, бензин бага иддэг, өмнөд Солонгосын "Матиз". Өнгө үзэмж тааруу. Надтай адил хөгшигч яваа, хөөрхий. Олон дахин будуулсаар байгаад одоо гар хүрэх л юм бол замаск нь будагтайгаа ховхорч унаад байдаг болчихсон золиг байгаа юм. Зардал бага, запаас сэлбэг хямд болохоор би тэргэндээ хайртай.
Тэргээ асааж аваад хорооллын төв замд орлоо. Энд тэндээс сигналдаад л, хаагуур хамаагүй дайраад л, хэн түрүүлж орсон нь зөв болдог манай хотын замын хөдөлгөөний жинхэнэ дүрэм үйлчилж эхлэв. Манай хот хоёр дүрэмтэй. Нэг нь цаасан дээр бичээд, ном болгож хэвлээд, хадгалж байдаг дүрэм. Тодруулж хэлбэл хүн төрөлхтний мөрддөг жинхэнэ дүрэм. Энэ дүрмээ бид жолооны шалгалт өгөх, замын цагдаад саатуулагдах үедээ хэргэлдэг юм. Сайн мэдэж байхгүй бол болохгүй. Хэрэв паактлах (зөрчилд орох) юм бол аминд орно. Нөгөө нэг дүрэм нь хэн зоригтой нь урагшаа явдаг дүрэм. Энэ дүрмээр л манай хотын замын хөдөлгөөн зохицуулагдана даа. Зам тавьж өгөх, эгнээ байр эзлэх, хурд тохируулах үйлдлийг өөрийн самбаагаар л гүйцэтгэх ёстой. Тэрнээс, айж бэмбэгнээд, зогсож хүлээгээд, зам тавьж өгөөд байх юм бол зорьсон газраа өнөөдөр хүрэхгүй. Энэ дүрмээ бол бид харин ягштал баримтална шүү.
