Сүүн цагаан ингэний Сүмбэн цаган ботго
- ISBN: 978-99192-2-951-1
- Хавтас: Хатуу
- Хэвлэгдсэн он: 2020
- Хуудас: 64
- Хэмжээ: 290*210мм
- Жин: 490
- Үлдэгдэл: Дууссан
Техник технологийн хөгжил, хотжилтын нөлөө хүүхэд залуучуудад хүчтэй нөлөөлж нүүдлийн мал аж ахуй, нүүдэлчдийн соёл бүдгэрч, шинэ үеийнхэн маань энэ уламжлалаас хол хөндий өсч байна. Хотын хүүхдүүд хурга ишиг, ботго тормоо ялгахгүй, тэмээ мал үзээгүй байх нь энгийн үзэгдэл болжээ. Нөгөөтэйгүүр, Монгол хүүхдийн сэтгэлгээнд нөлөөлөхүйц нүүдлийн ахуй, соёл иргэншлийг харуулсан зохиол бүтээл тун ховор байна. Иймд бидний ирээдүй болсон хүүхэд багачууддаа зориулан говийн чимэг болсон тэмээний тухай Сүмбэн цагаан ботгоны үлгэр ном бяцхан уншигчдад хүрэхэд бэлэн болжээ. Зохиолоо өнчин цагаан ботгоны үлгэр хэмээн амнаас ам дамжин яригдсаар ирсэн “Яриг цагаан ингэний сариг цагаан ботго” домгоос сэдэвлэн бүтээв. Энэхүү үлгэрээрээ тэмээ болон зоригт цагаан ботгыг бяцхан багачууддаа танилцуулах, түүний дүрээр дамжуулан тэмээтэй холбоотой зан үйл, монгол ахуй, нүүдэлчдийн соёлыг түгээн дэлгэрүүлж, орчин цагийн хүүхдүүдэд илүү их хүсэл зориг, анд нөхдийн харилцаа, тууштай чанар, энэрэнгүй сэтгэл, эх үрийн хайр юунд хүрч болохыг үлгэрлэн өгүүлэхийг зорьсон байна. Бэлчээрийн соргогыг даган нүүдэллэн амьдардаг малчдын хувьд бороо нэн чухал байдаг бөгөөд хур бороо хэвийн ордог болгохын тулд зоригт цагаан ботго юу, юуг даван туулсныг шинэхэн үлгэрээсээ амтархан уншаараа хүүхдүүдээ!
