Д. Равжаагийн "Саран хөхөөний намтар"-ын шинжлэл
Эрхлэн гаргасан: Бэмби Сан ХХК
- ISBN: 978-9919-0-1397-4
- Хавтас: Хатуу
- Хэвлэгдсэн он: 2023
- Хуудас: 840
- Хэмжээ: 210х290 мм
- Жин: 2200
- Үлдэгдэл: Дууссан
Монголын хуучин үеийн уран зохиолын олон сайхан дурсгалуудын дотроос нэгэн онцгой бөгөөд томоохон дурсгал нь XIX зууны гучаад онд говийн догшин ноён хутагт Д. Равжаагийн зохиосон "Саран хөхөөний намтар" хэмээх жүжиг юм. Энэ жүжиг нь орчин үеийн Монголын жүжиг болон европын жүжиг гэдэг ойлголтоос их ялгаатай. Тэрчлэн Энэтхэг, Хятад зэрэг дорно дахины бусад орнуудын уламжлалт театрын жүжгээс ч члгаатай тул түүний онцлогууд (феномен)-ыг тогтоож, яг жүжиг болон жүжгийн зохиолын хувьд нарийвчлан судлах нь Монголын уран зохиол болон театрын урлагийн чухал асуудал юм.
Жүжгийн зохиолыг анх 1959 онд горимын хамт арван дэвтрийг академич Ц. Дамдинсүрэн сурвалжлан олсон бөгөөд мөн 1960 онд Дорноговь аймагт экспедицээр ажиллаж судалгаа явуулсан байна. Энэ судалгааныхаа материалын талаар тусгай оршил тайлбар бичи, эх зохиолын хамт 1962 онд монгол бичгээр хэвлүүлжээ. Энэхүү оршил өгүүлэл нь:
Саран хөхөөний намтар хэмээх жүжгийг олсон тухай,
Равжаагийн уран бүтээлийн тухай,
Саран хөхөөний намтарт тоглосон ба үзсэн хүмүүсийн яриа,
Саран хөхөөний жүжгийн хэлийг харьцуулан үзсэн нь,
Хэвлэлд бэлтгэсэн тэмдэглэл гэсэн хэсгүүдтэй ажээ.
